الثلاثاء، 14 يونيو، 2011

طريقة عمل صوص الشيكولاته بالصور

طريقتين لعمل صوص الشيكولاتة بالصور - للحلويات الغربية

طبعا صوص الشيكولاته ده مهم اوي اوي فى الحلويات الغربي
هانستعمله كتير

انا عن نفسي باعمله بطريقتين

الاول : وبيكون جامد وباستعمله مع البيتى فور او الاكلير وبيكون نص كيليوا شيكولاته عليه حوالي 200 جرام زبده حوالي كوبايه الا ربع زبده مش سمنه ونحطه فى حمام ميه سخنه ولما تسيح نقلبها كويس معلقه بس مش كتير اوي عشان ما تبوظش

وبتكون شكلها كده تقريبا 
رد: صوص الشكولاتة


والتاني: وهو بيكون طري وعامل زي الكريمه شويه لكن لما بيتحط فى التلاجه بيجمد لكن مش بيبقى جامد اوي وده في رايي بيبقى احلى فى تغطية التورتات خصوصا لو الجو برد عشان بتكون الجامده دي صعبه فى التقطيع ولو اتحطت فى التلاجه بتبقى مش حلوه مع الكيك والكريمه وكده
ومقاديرها بتكون نص كيلو شيكولاته و200 جرام زبده برضه وعليها كمان حوالي نصف كوب حليب وبنحطها فى حمام ميه سخنه زي كده
رد: صوص الشكولاتة ولما تسيح نخفقها كويس بالمضرب هنلاقيها لفت وبقت زي الكريمه كده شويه وكده تبقى جاهزه خلاص للشغل وطبعا ممكن نعمل بالظبط كده مع الشيكولاته البيضا زي كده
رد: صوص الشكولاتة

‏ليست هناك تعليقات:

إرسال تعليق